Форумға Қытай, Түркия, Ресей және басқа да елдерден келген шетелдік қатысушылар өз хаттарында Қазақстан Президентінің тәуелсіздіктің алғашқы күндерінен бастап елді дамытудағы маңызды рөлін атап өткен.
«Республика Сіздің басшылығыңызбен саяси және экономикалық әлеуетін біртіндеп ұлғайта отырып, қуатты, қарқынды, әлемдік және өңірлік саясатта көрнекті орынды иеленген мемлекетке айналды», – деп жазады авторлар.
Пленумға қатысушылар сондай-ақ Қазақстанның алға қойған барлық мақсаттарға жете алатынына сенім білдіріп, ел астанасының табысты өркендеп келе жатқанына назар аударды.
«Астана республиканың экономикалық, саяси және мәдени орталығына, ауқымды халықаралық іс-шаралар өтетін орынға айналды. Ірі халықаралық ЭКСПО-2017 көрмесін өткізетін орын ретінде Астананың таңдалуы Қазақстанның әлемдік аренадағы жоғары беделінің айғағы болып саналады, – делінген хатта.
Соңында авторлар тарихи жадыны сақтау, ұлттық құндылықтарды келісім мен сенім рухында қалыптастыру саяси тұрақтылықтың негізі болып отырғанын атап өткен.