National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Мемлекет басшысы Нұрсұлтан Назарбаевтың атына Түркия Республикасының Президенті Абдулла Гүлден хат келді

2012 жылғы 30 қараша

 

А.Гүл Қазақстан Президентін Астананың ЭКСПО-2017 бүкіләлемдік көрмесін өткізу құқығына дауыс берудегі сенімді жеңісімен құттықтады.

Ол мұндай ауқымды іс-шараны өткізу түркі халықтарының өзара қолдауының артуына мүмкіндік беретінін атап өткен. Халықаралық көрме тұңғыш рет мұсылман елінде өтпек.

Түркия Президенті көрменің тақырыбы «Болашақтың энергиясы» деп аталуы маңызды екенін атап көрсеткен.

«Аталған тақырып халықаралық қауымдастықты барған сайын толғантуда және осы өзекті мәселеге қатысты жаһандық пікір алмасулар болашақта арта түседі» делінген хатта.

Автор бауырлас Қазақстан халқы осы аса маңызды халықаралық іс-шараны жоғары деңгейде жүзеге асыратынына сенім білдіреді.

Хат соңында А.Гүл Мемлекет басшысына денсаулық және бақыт, ал достас халыққа құт-береке және өсіп-өркендеу тілейді.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің