Бөлімдер санаты

Жаңалықтар

19 қыркүйек 2016
Нұрсұлтан Назарбаев Алматы қаласының №168 мектебіне барды
Алматы қаласы, Медеу ауданы

Мемлекет басшысы мектептің оқу бөлмелерін аралап, материалдық-техникалық жабдықталуымен танысты.

Сондай-ақ, Елбасы оқушылардың ата-аналарымен және педагогтармен кездесті.

Әңгімелесу барысында Қазақстан Президенті қазір мемлекет-жекеменшік серіктестігінің арқасында елімізде жаңа әлеуметтік инфрақұрылым нысандары салынып жатқанын атап өтті. Жаңа салынған мектеп тиімді ынтымақтастықтың жарқын мысалы болып саналады.

Соңында Нұрсұлтан Назарбаев жиналғандарды жаңа оқу орнының ашылуымен құттықтап, алға қойылған міндеттерге қол жеткізу жолында табыс тіледі.

***

Жаңа ғимараттың жалпы алаңы – 8390 шаршы метр. Мектеп заманауи құрылғылармен жабдықталған және 600 оқушыға арналған. Мұнда гуманитарлық ғылымдар тереңдете оқытылып, мемлекеттік тілде білім беріледі.


Барлық жаңалықтар
 
Басқа нысандарда болу
Өзге іс-шараларға қатысу