Бөлімдер санаты

Жаңалықтар

16 тамыз 2013
Қазақстан Президенті Нұрсұлтан Назарбаев Әзербайжан Республикасының Габала қаласында Президент Ильхам Әлиевпен кездесті

Кездесу барысында мемлекет басшылары жақсы қарқынмен дамып келе жатқан екіжақты ынтымақтастықты одан әрі дамыту мәселелерін талқылады.

Атап айтқанда, елде жүргізілген теңіз және теміржол инфрақұрылымындағы жаңғыртулар ескеріліп, көлік пен коммуникация саласындағы перспективалар атап өтілді.

Нұрсұлтан Назарбаев пен Ильхам Әлиев мұнай-газ саласындағы ынтымақтастыққа да назар аударды.

Мемлекет басшысы Әзербайжанның саяси және әлеуметтік-экономикалық салалардағы жетістіктерін, сондай-ақ екі елдің түрлі өңірлік ұйымдар аясындағы табысты өзара іс-қимылын атап өтті.

Өз кезегінде Ильхам Әлиев Қазақстанның тәуелсіздік жылдарында қол жеткізген нәтижелеріне тоқталды.

– Сіздің еліңізде жүргізген реформалар Әзербайжан үшін лайықты үлгі болып саналады. Экономиканың түрлі салаларындағы қарқынды өзгерістер, маңызды халықаралық бастамалар, халықтың әл-ауқатының артуы – Сіз алға қойған міндеттердің тиімді іске асуының дәлелі, – деді Әзербайжан Президенті.


Барлық жаңалықтар
 
Өзге де шетелдерге сапарлар
Барлық шетелдерге сапарлар