Қасым-Жомарт Тоқаевқа Қазақстанның көлік-логистикалық әлеуетін арттыруға халықаралық компанияның қатысуы жөнінде мәлімет берілді. Қазақстан Президенті шетелдік инвесторлардың өзара тиімді жұмысы үшін елімізде барлық қажетті жағдай жасалғанын айтты. – Қазақстанның Ақтау, Құрық теңіз порттарына қатысты инфрақұрылымдық жобаларды жүзеге асыруға атсалысып жүргеніңізді білеміз. Аталған жобалар жемісті әрі тиімді болады деп үміттенемін, – деді Мемлекет басшысы. Сұлтан Ахмед бин Сулайем Қасым-Жомарт Тоқаевқа кездескені үшін алғыс айтып, DP World компаниясының жақын арада іске асыру үшін жоспарлаған перспективті инвестициялық жобалары туралы айтты.