А.Шәкіров Мемлекет басшысына өткен кезеңдегі қызметінің негізгі нәтижелері туралы баяндап, қазіргі уақытта омбудсмен институты еліміздің саяси-құқықтық жүйесінен лайықты орнын алғанын атап өтті. Нұрсұлтан Назарбаев Адам құқықтары жөніндегі уәкіл қызметінің басым аспектілерін қарастыра келе, мүмкіндігі шектеулі адамдар мен халықтың ең әлсіз тобының құқықтарын қамтамасыз ету және қорғау мәселелеріне назар аударды. Бұған қоса, Мемлекет басшысы еңбек саласындағы қайшылықтарды, құқықтар мен бостандықтардың бұзылуын ескерту жөніндегі жұмысты күшейту қажеттігін атап өтті. Кездесу қорытындысы бойынша Қазақстан Президенті еліміздегі адам құқықтарын қамтамасыз ету саласындағы жұмысты жетілдіруге ықпал ететін заң шығару және ұйымдастыру шараларын қабылдауға бағытталған бірқатар нақты тапсырмалар берді.