Мемлекет басшысы өңірлер әкімдерімен кеңес өткізді, онда облыстар мен қалалардың әлеуметтік-экономикалық даму мәселелері қаралды. Нұрсұлтан Назарбаев азаматтарды жұмыспен қамту және әл-ауқатын арттыру, сондай-ақ күнделікті тұтынатын тауарларға бағаның негізсіз өсуіне жол бермеу мәселелері бойынша жұмысты жандандыру қажеттігіне назар аударды. Облыстар әкімдері Қазақстан Президентіне тапсырмалардың орындалуы, соның ішінде өңірлерде маңызды мемлекеттік бағдарламалардың іске асырылу барысы туралы баяндады.