Израиль премьер-министрі барша мұсылмандар үшін қасиетті Рамазан айына, сондай-ақ президенттік сайлаудың қорытындылары мен елдің ДСҰ-ға кіруіне байланысты Нұрсұлтан Назарбаевқа шынайы құттықтауын жеткізді. Б.Нетаньяху бұл мәселе жөнінде Израиль Қазақстанды қолдағанын атап өтті.
Мемлекет басшысы Биньямин Нетаньяхуды Израиль премьер-министрі лауазымына қайта сайлануымен құттықтап, жауапты қызметіне табыс тіледі.
Әңгіме барысында тараптар Қазақстан-Израиль ынтымақтастығының басымдығы бар бағыттарын талқылап, сауда-экономика және инвестиция салаларындағы, сондай-ақ халықаралық ұйымдар аясындағы өзара іс-қимылды жандандыру жолдарын белгіледі.
Сонымен қатар, Таяу Шығыстағы ахуал, атап айтқанда, Израиль-Палестина қарым-қатынасы сөз болды.
Израиль премьер-министрі Қазақстан Президентін Тель-Авивке сапармен келуге шақырды.
Телефон арқылы сөйлесуге Израиль жағы бастамашылық етті.