Комиссия отырысында Қазақстан азаматтығын алуға тілек білдірген адамдардың өтініштері, сондай-ақ көші-қон саясатының бірқатар мәселелері қаралды. - Тәуелсіздік жылдарында қазақстандық азаматтық институттың халықаралық беделі, біздің қоғамның әлеуметтік жүйесінің мәртебесі айтарлықтай өсті. Бұл факт қалыптасқан мемлекеттегі ұлтаралық қатынастың жоғары мәдениетін және қоғамдық-саяси тұрақтылығын танытады. Біз қатарымызға отандастарымыздың жаңа толқынының қосылғанына қуаныштымыз. Толық құқылы азамат болған олар тәуелсіз Қазақстанның одан әрі дамып, өркендеуіне өз үлестерін қосатынына сенімдімін. Мемлекеттік құрылымдар олардың әлеуметтік бейімделуін тездетуге, сондай-ақ азаматтық алу туралы әрбір өтінішке ерекше жауапкершілікпен қарауға міндетті, - деп атап өтті өз сөзінде Мемлекеттік хатшы. Комиссия отырысының қорытындысы бойынша тиісті шешімдер мен ұсынымдар қабылданды.