Тараптар қазіргі заманғы көптеген жаһандық проблемаларға қатысты Қазақстан мен Нидерланды ұстанатын көзқарастардың ұқсас екенін, бұл тиімді өзара іс-қимыл үшін берік негіз қалайтынын атап өтті. Кездесу барысында 2014 жылғы 24-25 наурызда Гаагада Ядролық қауіпсіздік жөніндегі саммитті өткізу перспективалары, сондай-ақ аталған халықаралық форумға Қазақстан тарапының қатысу мәселесі талқыланды. М.Тәжин ғарыш саласында Қазақстан-Голландия ынтымақтастығының жандана түскеніне қолдау білдірді. Бұған қоса, ҚР Мемлекеттік хатшысы «Болашақтың энергиясы» тақырыбында өтетін «ЭКСПО-2017» халықаралық көрмесін ұйымдастыруға және өткізуге голландық компаниялардың белсене атсалысады деп үміттенетінін жеткізді. Кездесу қорытындысында М.Тәжин Пейтер ван Леувенге Қазақстан мен Нидерланды арасындағы екіжақты қарым-қатынастың дамуына қосқан жеке үлесі үшін ризашылық білдірді.