30 қыркүйекте Атырауда Қазақстан мен Ресейдің XI өңіраралық ынтымақтастық форумы өтеді, оның жұмысына Президенттер Нұрсұлтан Назарбаев пен Владимир Путин қатысады. «Көмірсутек саласындағы инновациялар» тақырыбындағы іс-шара аясында заманауи технологияларды мұнай-газ саласында қолдану, осы бағыттағы екіжақты ынтымақтастықты дамыту мәселелерін талқылау қарастырылған. Форум кәсіпорындардың инвестиция және көмірсутек секторындағы инновациялар саласындағы қарым-қатыстарын кеңейтуге және жаңа байланыстар орнатуға, екі мемлекеттің іскер және қоғамдық топтарына жан-жақты қолдау көрсетуге бағытталған.