Отырыста Қазақстан азаматтығын алу және одан шығу мәселелері қаралды. Ел Президенті тиісті Жарлыққа қол қойғаннан кейін алыс және таяу шет елдерден келген түрлі ұлттың 734 өкілі Қазақстан азаматы атанатын болады. Сонымен қатар отырыс барысында Ішкі істер, Денсаулық сақтау және әлеуметтік даму министрліктерінің оралмандарға қатысты мемлекеттік саясатты жүзеге асыру жұмыстарының биылғы нәтижелері талқыланды. Отырыс қорытындысы бойынша Комиссия мемлекеттік органдарға нақты ұсынымдар мен тапсырмалар берді.