Концертте классикалық және халық музыкасы синтезінің негізінде әзірленген заманауи шоу-жоба көрсетілді. Гала-концертте көрермендер алғаш рет Мұқан Төлебаевтың «Біржан мен Сара» операсындағы танымал бидің жаңаша аранжировкасын, Нұрғиса Тілендиевтің «Аққу» күйін, сондай-ақ өзге де соны музыкалық туындыларды тыңдады. Концерт финалында дәстүрлі сайыс рухындағы домбырашылар немесе әншілер айтысының баламасы іспеттес оркестр айтысы орындалды. Симфониялық және халықтық оркестрлер арасындағы музыкалық айтыстың шығармашылық мақсаты – шеберлікті және талантты көрсету, классикалық және халықтық өнер әлемін өзара жақындастыра түсу.