Іс-шараға сондай-ақ Түркітілдес мемлекеттер ынтымақтастығы кеңесі бесінші саммитіне келген Әзербайжан Президенті И.Әлиев, Қырғыз Республикасының Президенті А.Атамбаев, Түркия Ұлы ұлттық жиналысының спикері И.Йылмаз, Түркітілдес мемлекеттер ынтымақтастығы кеңесінің бас хатшысы Рамиль Гасанов қатысты. Қойылым барысында қазіргі заманғы Қазақстан аумағында үш мың жыл бойында өткен айшықты оқиғалар бейнелеп көрсетілді. Қазақ хандығының 300 жылдық даму кезеңі салтанаттың ең жарқын тұсына, ал тәуелсіз Қазақстанның қалыптасу кезеңі қойылымның шарықтау шегіне айналды.