Театр ғимараты эллинизм, маньеризм және барокко элементтерінің классикалық стилінде салынған. Жобаның авторлары грек-рим және қазақтың ұлттық сәулет өнерінің дәстүрлері арасындағы балансқа қол жеткізуге тырысқан. Таға пішіндес 1250 орынға арналған көрермендер залы итальян стилінде жасалған. Оның акустикасын Германия мамандары жасады, оған ағаш және латуньннан жасалған панель төселеді, сондай-ақ сәндік әшекейлермен безендендірілетін болады. Ал 450 көрерменге арналған партердің айналасына бельэтаж орналастырылады. Оркестрдің отыратын орны 120 музыкантқа есептелген. Дайындық жүргізу үшін үлкен екі және шағын алты зал, сондай-ақ қосымша 11 шағын дайындық залдары қарастырылған. Сондай-ақ театрда хор мен балет топтары үшін жеке дайындық жасауға арналған залдар бар. Жаңа театр ең заманауи сахналық және жарық беретін жабдықтармен жабдықталған. Мемлекет басшысы алдағы уақытта өтетін «Астана айналасындағы мыңжылдық» атты көшпелілер өркениеті фестивалінің экспозициясымен танысты. Бұл бүгінде көшпенділер өркениетіне арналған, осындай түрдегі әлемдегі жалғыз іс-шара. «Астана айналасындағы мыңжылдық» жобасы қарама-қайшылықтар бірлігін - қала мен дала мәдениетін, өткен мен бүгінгіні, еуразиялық көшпенділер өркениетінің ерекшелігін көрсетуге шақырады.