Елбасы кәсіпорынның жұмысымен танысып, жабдықтары мен өндіретін өнімдерін көрді. Еңбек ұжымымен әңгіме барысында Нұрсұлтан Назарбаев жұмысшыларды жаңа цехтың іске қосылуымен құттықтап, олардың инновациялық өнім өндіру ісіне табыс тіледі. Қазақстан Президенті сондай-ақ бұл нысан біздің өңір үшін бірегей кәсіпорын екеніне назар аударды. Соңында Мемлекет басшысы еңбек адамының кәсіби тұрғыдан өсуі үшін және отандық тауар шығарылымының ауқымы мен сапасын одан әрі арттыру үшін мемлекет барлық қажетті жағдайды жасай беретінін айтты.