Бұл турнир алғаш рет 1994 жылы Павлодарда өткізілген болатын. Бүгінде ол Халықаралық волейбол федерациясының (FIVB) күнтізбесіндегі ресми спорттық іс-шара болып саналады. Мерейтойлық жарыс жеңімпазы атану үшін алты команда өзара бәсекеге түседі, олардың арасында Қазақстан, Әзербайжан, Беларусь, Қазақстан-2 құрамалары, сондай-ақ «Уралочка» (Екатеринбург, Ресей), «Ляонин» ВК (Қытай) клубтары бар. ҚР Президентінің Кубогы үшін жарыс «Астана» мұз айдынында 24 – 29 маусым аралығында өтеді. Мұндай турнирді өткізу елімізде волейболды танымал ете түсуге және дамытуға бағытталған.