Ішкі саясат бөлімінің меңгерушісі
Абзал Нүкенұлы Нүкенов
.jpg)
1978 жылы 21 шілдеде Жетісу облысында дүниеге келген.
Үйленген, 3 баласы бар.
Әл-Фараби атындағы Қазақ ұлттық университетін «саясаттану» мамандығы бойынша тәмамдаған (2000). Саясат ғылымдарының кандидаты.
Еңбек жолын 2000 жылы «Отан» республикалық саяси партиясының орталық аппаратында идеологиялық жұмыс бөлімінің консультанты болып бастаған. Кейін осы бөлімде жаппай саяси жұмыстар секторының меңгерушісі болып қызмет атқарған.
2005-2006 жылдары – Алматы Қаласы Ішкі саясат департаментінің үкіметтік емес ұйымдармен және діни бірлестіктермен жұмыс бөлімінің басшысы;
2006-2009 жылдары – Алматы қаласы Әуезов ауданы әкімінің орынбасары;
2009-2011 жылдары – Л.Н.Гумилев атындағы Еуразия ұлттық университетінің Қазіргі заманғы зерттеулер институтының директоры;
2011 жылдың наурыз айынан желтоқсанға дейін – Л.Н.Гумилев атындағы Еуразия ұлттық университетінің Заң жобаларына құқықтық сараптама және қазіргі заманғы зерттеулер институты директорының орынбасары;
2011-2016 жылдары – Қазақстан Республикасы Қауіпсіздік Кеңесінің Ахуалдық орталығында сектор меңгерушісі, орталық меңгерушісінің орынбасары, меңгеруші;
2016-2018 жылдары – Қазақстан Республикасының дін істері және азаматтық қоғам вице-министрі;
2018-2019 жылдары – «Астана» халықаралық ғылыми кешені» жекеменшік мекемесінде директорлар кеңесі төрағасының орынбасары;
2019-2022 жылдары – Қарағанды облысы әкімінің орынбасары;
2022-2023 жылдары – Қазақстан Республикасының Президенті Әкімшілігі Ішкі саясат бөлімі меңгерушісінің орынбасары;
2023-2025 жылдары – Қазақстан Республикасының Президенті Әкімшілігінде мемлекеттік инспектор болып қызмет атқарды.
2025 жылы 11 наурызда Мемлекет басшысының өкімімен Қазақстан Республикасының Президенті Әкімшілігі Ішкі саясат бөлімінің меңгерушісі лауазымына тағайындалды.
«Ерен еңбегі үшін» медалімен (2012) және басқа да мерейтойлық медальдармен марапатталған.