Қазақстан Республикасы Қауіпсіздік Кеңесінің
Ахуалдық орталығының меңгерушісі
Амангелді Оразалыұлы Омарбеков
1982 жылы дүниеге келген.
Қазақ мемлекеттік заң академиясын құқықтану мамандығы бойынша, Ұлттық қорғаныс университетінің магистратурасын әскери және мемлекеттік басқару мамандығы бойынша бітірген.
2005-2016 жылдары арнаулы мемлекеттік органдарда қызмет еткен.
2016 жылдан 2022 жылдың тамыз айына дейін ҚР Қауіпсіздік Кеңесінде инспектор, сектор меңгерушісі, хатшылық меңгерушісінің орынбасары қызметтерін атқарған.
2022 жылы 22 тамызда Мемлекет басшысының өкімімен Қазақстан Республикасы Қауіпсіздік Кеңесі Ахуалдық орталығының меңгерушісі лауазымына тағайындалды.
«Жауынгерлік ерлігі үшін» медалімен, ҚР Президент Әкімшілігі Басшысының алғыс хатымен және әскери, құқық қорғау және арнаулы мемлекеттік органдардың ведомстволық медальдарымен марапатталған.
Қазақ күресінен спорт ардагерлері арасында Қазақстан Республикасының чемпионы (Алматы - 2024).