Коммуникациялар бөлімінің меңгерушісі
Қанат Амангелдіұлы Құлшыманов
1987 жылы 5 қыркүйекте Қостанай облысында дүниеге келген.
Үйленген, екі баласы бар.
Л.Н. Гумилев атындағы Еуразия ұлттық университетінің бакалавриатын (2008) және магистратурасын (2010) «журналистика» мамандығы бойынша бітірген. Философия ғылымдарының докторы (PhD).
Еңбек жолын 2007 жылы «Қазақпарат» ҰК» АҚ саяси және құқықтық ақпарат секторының тілшісі ретінде бастаған.
2012-2016 жылдары «Қазконтент» АҚ ақпарат агенттігінің журналисі болып жұмыс істеген.
2016-2017 жылдары – Қазақстан Республикасы Ұлттық экономика министрлігінің жұртшылықпен байланыс департаментіне қарасты БАҚ мониторингі және талдау басқармасы басшысының міндетін атқарушы;
2017-2019 жылдары – Ақтөбе облысы әкімінің баспасөз хатшысы – баспасөз қызметінің жетекшісі;
2019-2020 жылдары – Қазақстан Республикасы Еңбек және халықты әлеуметтік қорғау министрінің баспасөз хатшысы, жұртшылықпен байланыс департаментінің директоры;
2020-2021 жылдары – Жамбыл облысы әкімі аппараты басшысының орынбасары;
2021-2022 жылдары – «ҚазМұнайГаз» ҰК» АҚ баспасөз қызметінің жетекшісі;
2022-2024 жылдары – Қазақстан Республикасы Премьер-Министрінің баспасөз хатшысы – баспасөз қызметінің жетекшісі;
2024-2025 жылдары – Қазақстан Республикасы Президенті Әкімшілігі Коммуникациялар бөлімі меңгерушісінің орынбасары болып еңбек етті.
2025 жылы 11 наурызда Мемлекет басшысының Жарлығымен Қазақстан Республикасы Президенті Әкімшілігі Коммуникациялар бөлімінің меңгерушісі болып тағайындалды.
«Ерен еңбегі үшін» медалімен марапатталған (2024).