Құқық қорғау жүйесі бөлімінің меңгерушісі
Дәурен Тілекұлы ЕРҒАРИН
1982 жылы Батыс Қазақстан облысында дүниеге келген.
2002 жылы А.С.Пушкин атындағы Батыс Қазақстан мемлекеттік университетін, 2006 жылы М.Өтемісов атындағы Батыс Қазақстан мемлекеттік университетін бітірген.
2004-2012 жылдар аралығында Батыс Қазақстан, Алматы облыстары бойынша Экономикалық қылмыс және сыбайлас жемқорлыққа қарсы күрес департаменттерінің жедел және басшылық құрамдарында қызмет етті.
2015-2018 жылдар аралығы – Сыбайлас жемқорлыққа қарсы іс-қимыл ұлттық бюросы Астана қаласы бойынша департаментінің аса маңызды істер жөніндегі офицері, басқарма басшысының орынбасары, жедел басқарманың басшысы;
2018-2019 жылдар аралығы – Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Сыбайлас жемқорлыққа қарсы іс-қимыл ұлттық бюросының жедел департаменті басшысының орынбасары, басшысы;
2019-2020 жылдар аралығы – Қазақстан Республикасы Сыбайлас жемқорлыққа қарсы іс-қимыл агенттігі үшінші департаментінің басшысы;
2020-2021 жылдар аралығы – Қазақстан Республикасы Сыбайлас жемқорлыққа қарсы іс-қимыл агенттігінің Алматы қаласы және Қызылорда облысы бойынша департаменттері басшыларының орынбасары;
2021-2022 жылдар аралығы – Қазақстан Республикасы Сыбайлас жемқорлыққа қарсы іс-қимыл агенттігі анықтау және жолын кесу қызметінің басшысы;
2022 жылдың маусым-желтоқсан аралығы – Қазақстан Республикасы Сыбайлас жемқорлыққа қарсы іс-қимыл агенттігі Ақтөбе облысы бойынша департаментінің басшысы;
2022-2024 жылдар аралығы – Қазақстан Республикасы Сыбайлас жемқорлыққа қарсы іс-қимыл агенттігі Шымкент қаласы бойынша департаментінің басшысы;
2024 жылдың шілдесінен 2025 жылдың ақпанына дейін – Қазақстан Республикасы Президенті Әкімшілігінің Құқық қорғау жүйесі бөлімі меңгерушісінің орынбасары;
2025 жылғы 17 ақпанда Мемлекет басшысының өкімімен Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі болып тағайындалды.
II дәрежелі «Айбын» орденімен марапатталған.